Мая Радзіма Беларусь

У Дзень народнага адзінства, 17 верасня 2026 г., у 15.00 у выставачных залах Музея гісторыі горада Мінска ў межах праекта «Музычныя сустрэчы ў музеі» адбудзецца інтэрактыўная праграма «Мая Радзіма Беларусь». Зусім хутка – 17 верасня – Беларусь адзначыць Дзень народнага адзінства. У гонар свята Музей гісторыі горада Мінска запрашае на інтэрактыўную праграму, галоўнымі героямі якой стануць беларуская музыка і культура. У выкананні салістаў Беларускай дзяржаўнай філармоніі Ганны Янкоўскай, Галіны Сакольнік, Максіма Абраўца і Наталлі Змітровіч прагучаць музычныя творы кампазітараў І. Лучанка, Ю. Семянякі, Л. Захлеўнага, І. Паліводы, Л. Мурашка, старадаўняя беларуская музыка з «Полацкага сшытка», народныя песні і найгрышы.