Містычны рэалізм "Ладдзя роспачы"

Жыў у беларускім горадзе небагаты дваранін Гервасій Выліваха - балагур і весялун. Жыў з размахам, без аглядкі, яму і чорт быў не брат, і смерць не палохала. Болей за ўсё ён любіў Радзіму, жыццё і весялосць, і ні пры якіх акалічнасцях ён не саступіў бы ў барацьбе за іх. ”Ці ж Бог даў беларусу дзюбу, каб ён пішчаў?“ – гаворыць Гервасій. Так, не скардзіцца трэба, а радавацца жыццю ва ўсіх яго праявах. А калі прыйшла пара паміраць, Гервасій і тут не страціў прысутнасці духу і задумаў гульню з самой Смерцю… Што з гэтага выйшла і хто перамог? У чым жа шчасце на гэтай зямлі? Адказ на ўсе пытанні - у фінале спектакля.